En aŭtuno 2015 du homoj trovis unu la alian por komune lerni Esperanton. Ĉar ni trovas la ideon de Esperanto bona ne nur por ni, ni ĝojus, se pli da Esperanto-amikoj ariĝus en Esperanto-Klubo. Telegram-grupo/vorto de la tago (germane-Esperanto): t.me/eonordaerikejo
En 2017 per Pasporta Servo ni gastigis tri homojn el Belorusio kaj Svedio. Kvankam ni parolas nek la belorusan nek la svedan ni bonege sukcesis interkompreniĝi. Tio ne estus funkciinta per la angla almenaŭ kun la beloruso. Saĝe, ke ni ĉiuj scipovis Esperanton! 2018 ni gastis ĉe esperantistoj en Prago kaj Budapeŝto kaj helpe de Amikumu renkontis du francojn en nia feria regiono. En 2019 ni vojaĝis en Slovenio kaj renkontis tie tri esperantistojn. En tiu jaro ni ekmembris en la Esperanto-grupo ĉe KIVA kaj helpas per malgrandaj kreditoj homojn en evolulandoj.
La revuon MONATO ni abonas depost 2020. En la revuo MONATO ni sukcesis lanĉi intervjuon pri la temo solidara agrikulturo, aperinta je julio 2024. Estas tri de niaj geklubanoj kiuj laboras pri solidara agrikulturo. La 27-an de Oktobro 2020 okazis Esperanto-renkontiĝo en Evendorf. Fondiĝis studrondo.
2021: La progresantoj de la studrondo renkontiĝis marde. Aperis artikolo en Buntesbuchholz.de: Esperanto – lingvo de la esperantoj
La 18-an de Septembro 2021 okazis tandema Esperanto-renkontiĝo en Egestorf kaj poste pliaj en la valo de Büsenbach.
Depost fine 2021 ekzistas societo "Mehrdimensional e. V.", kiu zorgas pri ŝranko informanta pri Esperanto en pluraj vilaĝoj de la norda erikejo. Legeblas pli (nur en la germana) en la retejo: www.mehrdimensional.net.
Esperantoŝranko en Garlstorf - vidu ankaŭ la anonceton en la Esperanta Kunfarejo.
Dum somero 2022 okazis Esperanto-renkontiĝo en Holm-Seppensen kun gastoj el Francio. Vidu ankaŭ la artikolon de Bertrand en www.blog-trotting.fr.
La 26-an Aŭgusto 2023 okazis en Holm-Seppensen Esperantorenkontiĝo kun du novaj Esperanto-amikoj. La kontakto eblis per uzo de Amikumu. Dum la renkontiĝo la du novaj amikoj ekmembris en t.me/eonordaerikejo.
La studrondo ekis la 24-an de Septembro 2023 per la libro "Pri kio temas?"
En la n-ro 7/2024 de la revuo Monato aperis intervjuo pri solidara agrikulturo.
Pluraj malnovaj kaj novaj Esperanto-amikoj vizitis la agrikulurejon (vidu supre) finde de Aŭgusto 2024. Estis bela elstara renkontiĝo.
Nia leterpoŝtadreso estas nordheide@esperanto.de. Renkontiĝoj estos anoncataj en Eventa Servo. Nia retejo ĉe GEA: www.esperanto.de/eo/Esperanto-norda-erikejo
Nordgermanaj telegramo.org-grupoj: Esperanto Hamburg · Esperanto Hameln · Esperanto Malsupra Saksio · Esperanto Norda Erikejo · Nordokcidenta Germanio Esperanto grupo