Nova artikolo en Global Voices Esperanto (GVE) kaj alvoko al kunlaboro

Karaj,

mi ĵus finredaktis kaj publikigis mian tradukon :
Titolo: “Renkonto kun Ibrahima Malal Sarr, gastiganto de la tviterkonto @DigiAfricanLang inter la 19-a kaj la 25-a de Junio”
Url: eo.globalvoices.org/2019/07/4783

Ni havas lastatempe kelkajn interesatojn kiuj ŝatus volontuli kiel tradukantoj, tamen mankas samnombra provlegantaro kun laŭeble bonega scipovo de Esperanto por helpi revizii la tradukojn. Ĉu vi interesiĝas ? Se jes, vi povas trovi informojn pri GVE en la artikolo Partoprenu kaj volontulu! eo.globalvoices.org/2019/07/3039. Dankon por diskonigi, precipe se inter via amikaro troviĝas esperantistoj kun bonega lingvoscio, ekzemple studentoj pri tradukoscienco aŭ interpretado kaj instruistoj de Esperanto kun profesinivela lingvoscio (referencnivelo C) laŭ la Komuna Eŭropa Referenckadro por lingvoj (KER).

Se vi konas personojn kiuj ŝatus fortigi nian skipon de tradukemuloj, ni invitas legi aŭ diskonigi la jenan artikolon :
Pioniru kun ni kaj donu plusvaloron al via preferata lingvo: eo.globalvoices.org/2019/03/46

Bonajn feriojn kaj al partoprenantoj al la Universala Kongreso de Esperanto (UK) en Lahti, Finnlando, ankaŭ sukcesplenan kongreson. Manuela Burghelea, unu el niaj administrantoj, tie prelegos pri Tutmondaj Voĉoj en Esperanto. Ŝi kunportos tien ankaŭ belajn paĝindikilojn kun florsemoj por varbi pri la Jaro de indiĝenaj lingvoj kaj Tutmondaj Voĉoj por ke kresku ne nur floroj, sed ankaŭ nia agado ene de Global Voices Esperanto.

Amike
vin salutas Herman Deceuninck [dekeŭnink]

Kun-administranto kaj lingva redaktisto de Lingua Esperanto,
tradukprojekto de Global Voices (Tutmondaj Voĉoj).
Tradukas el EN/FR/DE/(IT, ES)
eo.globalvoices.org/author/herman-d
Language Editor @ Global Voices Lingua – Esperanto

Lasi komenton

Retpoŝtadreso ne estos publikigita. Devigaj kampoj estas markitaj *