Esperanta Strat-teatro – Ĉu mi povas helpi vin?

Kara Esperantaj Geamikoj

Mi prezentis la ideon de Esperanta Strat-teatro.

Mi pensas ke ĝi povus esti bona ideo por Esperantistoj (okazo por kunigi, koni unu la alian, kaj plibonigi niajn lertecojn) kaj ankaŭ por la publiko por amuzi sin, lerni iom pri Esperanto, kaj, se ili volas, lerni la lingvon (pere de la interreto aŭ kursoj).

Por provi ĝin oni bezonas:

  • 3 Esperantistojn (helpus se ili loĝas kune)
  • dialogojn, objektojn, vestaĵojn
  • lokajn informojn (pri lokoj, kondiĉoj, ktp.)

Se vi volas provi la ideon en Sud-Kimrio eble mi povas help vin pri ..

  • loĝejo (nia domo estas granda – kun du gastĉambroj) – bonvolu manĝi iom de nia manĝaĵo – tuta senkostaj memkompreneble. Mi bonvole iros al la staciodomo aŭ la flughaveno de Kardifo por venigi vin.
  • lokaj kie ni povas prezenti la spektaklon sen malhelpi la preterpiedirantojn (kiam mi demandis al policistino, ŝi diris al mi ke ŝi ne arestos klaŭnojn!)
  • funkcii kiel loka kontaktpersono por personoj kiu volas lerni la lingvon
  • bonvolu se vi volas alporti viajn dialgojn, objektojn, ktp.
  • si vi volas lerni pri la regiono, eble mi povas helpi (mi parolas la Kimran, mi interesiĝas pri la historio de Kimrio – mi eĉ loĝas en fama domo (Guglu “Llety Cranogwen”).

Mi esperas ke ni povos kunlabori!

amike

Eddy <hunt610(ĉe)pobroadband.co.uk>

PRINTEMPaS en Greziljono

Jannick Huet Schumann kore invitas vin al la 10-a studperiodo PRINTEMPaS de la 18-a ĝis la 25-a de aprilo 2020.

Sub la gvidado de kvar junaj, kompetentaj kaj spertaj instruistoj, la partoprenontoj el diversaj landoj ekzercos sin en parolkapablo.

Ekster la kursoj, ili ĝuos simpatian kaj internacian etoson en trankvila natura kadro. La kastelo troviĝas en bela ĉirkaŭaĵo, en la regiono de Anĵuo, kie ne mankas ekskurso-lokoj kaj vidindaĵoj. La manĝoj estas variaj kaj bongustaj, preparitaj de nia profesia kuiristo. Nun, danke al la freŝdataj renovig-laboroj, nia kastelo povas akcepti 60 personojn – kaj eĉ pli da gastoj en la kampadejo.

La 25-an de aprilo, post sep tagoj da intensa praktikado, ni proponas ekzamenon en unu el la niveloj B1, B2 aŭ C1. Tiel povos la kandidatoj mezuri siajn progresojn, kaj ricevi lingvo-atestilon konforman al la normoj de la Eŭropa Konsilio (KER).

PRINTEMPAS estas la perfekta loko por “malbloki” tiujn, kiuj bezonas okazojn praktiki Esperanton, kaj akiri pli fluan kaj ĝustan parolkapablon. La tre pozitivaj opinioj , kiujn esprimis multaj partoprenintoj de la pasintaj PRINTEMPAS tion atestas (vidu rete en gresillon.org/opinio).

kultura kaj eduka E-aranĝo

Maria Majerczak:

La 5-a kultura kaj eduka Esperanto-aranĝo en Lvovo, 1-10 majo 2020. Vizitado de la ĉefa kultura urbo de Ukrainio kaj ĝia regiono. „Sendu” viajn komencantojn kaj neesperantistojn, ĉar ĉiu tie lernos en ĉiutagaj kursoj. Kosto de la internacia aranĝo tre malalta!

Etoso bonega. Bv. vidi fotojn: mirindalviv.ukrainio.org.ua/home/fotajoj (videblas kelkaj studentinoj el Krakovo).

mirindalviv.ukrainio.org.ua

Ĉu (re)vigligi partoprenon en ipernity?

Ĝis la transpreno de Ipernity de kooperativo la fasado de la retejo funkciis ankaŭ en Esperanto. Ja, eĉ eblis skribi laŭ la x-metodo. Ipernity funkciis rilate al supersignoj simile kiel Vikipedio: oni tajpis “cx” kaj ricevis aŭtomate “ĉ”.

Albert esperas reakiri tiun eblon, se minimume 40 esperantistoj uzas pagendan konton en Ipernity.

Bonvolu diskuti ne ĉi tie en la Esperanta Kunfarejo, sed en la fadeno de Albert.