La plej antikva forumo en Esperanto

Jam de kelka tempo mi observas kiel Esperanto-parolantoj ariĝas en certaj forumoj kaj poste forrestas de ili. De tempo al tempo mi citas kontribuojn de la Esperanta Kunfarejo en soc.culture.esperanto esperante por pli da sukceso de projektoj pri amika kunfarado.

Nun mi trovis en soc.culture.esperanto ligilon al artikolo en blogo novatagejo: novatagejo.home.blog/2019/10/12/la-plej-malnova-forumo-en-esperanto/. Normale mi ne malkaŝas ligilojn al blogoj kie aŭtoroj ne permesas identigi ilin. Jen escepto: Mi deziras scii kio devas okazi, ke homoj revenu al eksterfejsbukaj forumoj por pli fruktedoni kontribui al la Esperantokomunumo. Bonvolu legi la artikolon kaj kundiskutu pri la apero de Esperanto en forumoj pli kaj pli akceptataj. Ĉu soc.culture.esperanto kaj Esperanta Kunfarejo estos kelkaj de ili?

eblo.novaĵoj

Kreu pli bonan estontecon!
option.news/eo/
eblo.novaĵoj

  • estas aŭtomate tradukita al preskaŭ ĉiuj lingvoj de la mondo kaj tial estas havebla al ĉiu ajn en sia denaska lingvo.
  • ofertas pozitivajn kaj konstruajn kritikajn novaĵojn de preskaŭ ĉiuj landoj en la mondo
  • servas al la ampleksa disvastigo de ĉi tiuj pozitivaj impulsoj kaj argumentoj tutmonde, kaj ne nur ĉe samspecaj homoj!
  • estas pozitiva tutmonda komunumo kun diligentaj homoj kaj konsciaj konsumantoj
  • estas tute senpaga, malfermita al ĉiuj kaj malferma sistemo, kiu ne bezonas registri legadon
  • estas orientita ekskluzive al memfinancado, sen avideco kaj unupersona kompanio sen neniu investanto
  • ofertas daŭripovan aĉetan gvidilon kun multaj rabatoj kaj agnoskoj
  • provizas adresaron de etikaj, daŭrigeblaj, fidindaj kompanioj

Novaj provoj pri la Heroldo de Esperanto

Fabrício Valle kreis grupon de abonantoj kaj simpatianoj de Heroldo de Esperanto en Whatsapp. Jen ĝia priskribo:

“La celo de tiu ĉi grupo estas informi al la abonantoj de Heroldo de Esperanto la paŝojn por stabiligo de la situacio por repreno de regula eldonado de Heroldo de Esperanto. Unue per reta versio, poste per la papera versio. Estas ankaŭ bonvenaj abonontoj kaj apogantoj de Heroldo, eĉ se ankoraŭ ne abonantaj Heroldon.

Vi rajtas fari demandojn, prezenti viajn plendojn kaj kritikojn tute libere.”

Nu, se vi estas abonanto de Heroldo de Esperanto aŭ simpla simpatianto kaj volas informiĝi pri la paŝoj por ĝia relanĉo en stabila situacio, aliĝu al la grupo.


Realisma Plano por Repreno de la Eldonado de Heroldo – RePRE-HdE

Revo pri Esperantejo

Jairo dos Santos revas pri komerce funkcianta loko por la publiko de Esperanto kaj serĉas homojn, kiuj ŝatas kunfari en la projekto. Vidu ankaŭ nubo.re/app/post/view/1822

“Nu do, mi decidis fari ian esperantan lokon kiel kafejon, lunĉejon aŭ restoracion per Esperanto. Sed ne nur promociante la nomon Esperanto sen ia rilato. Esperanto bezonas monon! Esperanto bezonas eniri en financan areon. La celo de tiu spaco estas fari ian etoson kiel tiujn tipajn temajn lokojn. En mia lando, ekzemple, ni havas diversajn naciajn komercajn lokojn…”

Legu lian artikolon pri la projekto: steempeak.com/@jxajro/kafodrinkejo

Kampanjo por apogi la 1-an Filipinan Junularan Kongreson de Esperanto

Karaj esperantistoj de la tuta mondo,

Filipina Esperanto-Junularo (FEJ) kun honoro anoncas, ke ĝi decidis organizi la historian 1-an Filipinan Junularan Kongreson de Esperanto, kiu okazos de la 23-a ĝis la 26-a de aprilo 2020 en la Universitato de Filipinoj Diliman, en la urbo Quezon (Manila).

La kongreso markos la kulminon de la plurjara klopodo de aktivuloj por disvastigi la lingvon kaj solidigi la movadon en Filipinoj. La nuntempa filipina movado daŭre progresas ekde kiam ĝi aperis en 2013; kaj tio ĉi estos la unua oportuno kunvenigi lokajn esperantistojn tra la insularo. Ĝi celas ebligi al ĉiuj elpensi strategiojn por plifortigi la movadon. Aldone, per buntaj programeroj, la partoprenontoj de diversaj fakoj kaj interesoj povos libere kune lerni, interagi, kaj labori. Ni estas fervoraj realigi ĝuste aranĝon tian. Tamen, kiel neprofitcela junulara organizo, ni ne havas sufiĉajn ekonomiajn rimedojn por plene realigi iniciaton tiom ĉi grandan.

Tial, ni ŝatus fari raran paŝon peti al la internacia komunumo unuiĝi por apogi nian iniciaton pere de la amasfinanca kampanjo kiun ni jene lanĉas.

La kampanjon vi povas vidi per tiu ĉi paĝo: gogetfunding.com/1fjksubteni/. Kompreneble, oni rajtas donaci kiom ajn da sumo laŭ propra plaĉo. Donacoj certigos ne nur financi ĝiajn gravajn erojn, sed ankaŭ helpos nin teni la aliĝkotizojn ne tro altaj kaj financi postajn agadojn de la loka movado, kaze de profito.

Vi ankaŭ povas iri al PayPal: bit.ly/fjkdonaci, aŭ ĝiri monon al nia UEA-konto (phej-d) de via konto aŭ per kreditkarto jene: uea.org/alighoj/spagilo. Pri aliaj manieroj, bonvolu skribi al ni: peyc2020@gmail.com. Se vi ankaŭ ŝatus apogi per materialoj, kiujn laŭ via opinio ni povus disponi, bonvolu kontakti nin.

Se vi subtenas la junularon aŭ/kaj movadojn en triamondaj landoj kaj ŝatus kontribui por kreskigi la aktivularon por la estonteco de la internacia movado, bonvolu apogi nian iniciaton. Krome, bonvolu diskonigi la kampanjon al viaj samklubanoj, amikoj, kaj aliaj konatoj. Se ni sukcesos, tio donos grandan motivon al filipinaj esperantistoj daŭre labori por la loka, kaj eventuale, por la internacia, movadoj, kaj tiel certigante ke la agado de la filipina movado estu daŭripova pluen.

Cetere, esperantistoj de ĉiuj aĝoj el aliaj landoj estos bonvenaj partopreni kaj kontribui por fari la kongreson aŭtentike verda kaj internacia. Estos ankaŭ via ŝanco vojaĝi kaj malkovri nian landon kaj ĝiajn kulturon kaj heredaĵojn. Detaloj pri aliĝoj kaj mendoj estos haveblaj ekde la venonta monato.

Ni kune realigu tiun ĉi revon! Koran antaŭdankon pro via eventuala apogo.

La Kongresa Organiza Komitato
1-a Filipina Junulara Kongreso de Esperanto


Albert Stalin T. Garrido
Commisioner for Asia, World Esperanto Youth Organization (TEJO)
Representative, Philippine Esperanto Youth (FEJ)
CEFR C1-Level Double Certificate Holder (Esperanto)
N4-Level JLPT Certificate Holder (Japanese)
Duolingo Certified Educator
albertstgarrido@gmail.com