Elstarigita

Saluton, kunfaremulo!

Esperanta Kunfarejo

Bonvenon al la Esperanta Kunfarejo. Tio ne nur estas listo de anoncetoj por kunfarado. Vi estas invitita fosi pri eblecoj kunfari. Ne temas pri aferoj, kiuj estis, sed pri komunaj aferoj, kiuj estas, estos kaj estu.

Por serĉkadreto vidu sube.

Eblas aboni la blogon por esti informita kiam ekestas nova afiŝo, mem enmeti afiŝon au peti afiŝon de administranto. Bonvolu skribi mesaĝon. Frank Merla malfermis telegram-grupon. Unuopaj anoncetoj aperas ankaŭ en soc.culture.esperanto · nubo.re · linkedin.com · twitter.com · xing.com

Okaze de plaĉo ne forgesu instigi viajn konatojn kunfari en la kunfarejo. Tio jam estus kunfaro en/por ni en la Esperanta Kunfarejo!

Legu pli

Esperantistoj laboras en vikivojaĝo

Raffaele Del Re skribas en la UEA-forumo en la Diskutejo:

Vikipedio estas la plej fama el grupo de “fratinaj projektoj”, kiel vikilibroj ktp.

Inter tiuj fratinaj projektoj estas “vikivojaĝo”, kiu enhavas informojn pri urboj, landoj, vidindaĵoj ktp.

Vikivojaĝo tamen estas oficiala nur en kelkaj lingvoj (anglefrancegermanehispaneportugaleitaleruseĉinejapane ktp).

Esperanta vikivojaĝo estas “en la kovilo” (provizora retadreso). Ĝi eliros el la kovilo kaj iĝos oficiala se ĝi montros sufiĉe da aktivado kaj da enhavo.

Fakte, Esperantistoj laboras en vikivojaĝo ekde 2013, sed la kvanto de aktivaj kunlaborantoj estis dum pluraj monatoj nur 1 aŭ 2 (kelkfoje eĉ neniu), kaj preskaŭ neniam pli ol 3. (Vidu ĉi tie.)

Malgraŭ tio, dum la jaroj la kunlaborintoj kreis ne malmulton da enhavo. Mi kredas ke 2020 povas esti la taŭga jaro, se kontribuos sufiĉe da volontuloj, por fine oficialigi Esperantan vikivojaĝon.

Kion vi pensas pri tio? Ĉu vi opinias ke indas tia klopodo? ke eblas? ke sukcesos? Ĉu vi emas helpi? aŭ konas helpontajn? Ĉu vi vidas erarojn korektindajn? novajn metodojn aplikindajn?

eo.wikipedia.org/wiki/Vikivojaĝo

Printempa Reta Kursaro

Anstataŭ PRINTEMPAS 2020 en kastelo Greziljono, okazos PRK en via hejma kastelo:
PRK, ‘Printempa Reta Kursaro’, okazos de la 17a ĝis la 19a de Aprilo.
Restu hejme, sed lernu intense per retaj komunikiloj en virtuala Esperanto-kastelo!

Dum PRK vi lernos multe sed vi ankaŭ multe praktikos kun homoj el diversaj landoj.
La instruado alternigos diversajn formojn de lernado kaj ekzercado, kaj diversajn eblojn de distanca komunikado.
PRK proponos ankaŭ vesperan programon (prelegoj, ludoj, koncertoj, ktp).

‘Printempa Reta Kursaro’ estas malfermita al ĉiuj, kun kvar niveloj de komencanto ĝis C1.
Por informoj pri kondiĉoj, aliĝado, pagado, klaku sur la ligilon:
framaforms.org/printempa-reta-kursaro-1585040804

Ne atendu, la lokoj estas limigitaj je 8 partoprenantoj en ĉiu grupo!
Ni esperas ke tiu nova sperto logas vin por travivi tiun strangan situacion de enfermiĝo.

Kore
Jannick gresillon.org/prk

Helpu Min, Spertuloj!

Alekso MILLER invitas al spertuloj spekti la edukajn filmetojn en sia kanalo kaj komenti kiam vi trovas erarojn aŭ problemojn. Tiel ni povos refari ilin kun pli bona kvalito kaj enhavo dum la nuna epidemio. Li planas uzi pli grandajn gvidkartojn en la filmetoj ĉar nun ili ofte ne estas legeblaj en malgrandaj ekranoj.
Anstataŭ komenti publike, vi ankaŭ povas sendi notojn rekte al mi per la retadreso alexandervaughnmiller{ĉe}gmail.com kun la subjekto “Korektoj” se vi volas. Dankon!
Spektu bonvole: www.youtube.com/watch?v=ug-jb-wtmeA

Kiu deziras pli da voĉa komunikado en la interreto?

Saluton amikoj !

Estus bele havi tutmondan konversacian spacon en kiu esperantistoj povas renkontiĝi iam ajn, por paroli pri io.

Ĉu tia spaco jam estas ie en Interreto, kaj se ne, kiel ni povas krei ĉi tiun konversacian spacon?

Kiujn spertojn vi havas pri la skajplisto de Esperanto (https://docs.google.com/spreadsheets/d/17mC33EBWTYz6_0oYrEcs2VD9LzBCs5MG5bgG-dnLRUM/edit#gid=0), intertempe estas pli ol 1000 nomoj en ĝi.

Ĉu vi jam havas sufiĉe da konversacioj?

Kiu deziras pli da voĉa komunikado en la interreto?

Skribis W. Jakowski

Rimarko de FraLi: En la aplikaĵo “CB Talk” (Android kaj iPhone) estas havebla mapo, en kiu estas indikita kie momente esperantistoj estas parolantaj/alvokeblaj. Oni devas enŝalti “group”, elekti ĉe la landoj “other” kaj en tiu troveblas grupo nomata “Esperanto”. Cetere ekzistas “Esperanta voĉmesaĝejo” kun pli ol 500 membroj en telegram.